2013年7月24日 星期三

向3D說不 (2) : 3D一肚戲



   真心話,作為一位影迷,是否都應該可以得到公平一點的對待?點解我們作為消費者,似乎冇乜得揀自己想睇的版本?到底 2D 還是 3D 好?我絕對係只想睇 2D 就滿足的,只偶爾對 IMAX 3D 版本有一點點好感而已。

  入場迫睇3D電影,買貴飛睇悶片不特止,不同院線還要你自備立體眼鏡,否則再要另付多$購買,通常大家又例必忘記自備一副,戲院當然又再賺多你一筆,結果無端端買埋一大堆立體眼鏡囤積在家中唔知為乜?

  還記得 2007 年,當荷里活新一輪 3D 電影熱潮剛開始捲土重來,《魔戰王:貝奧多夫》正式展開,當時已曾寫過一篇文章,跟大家分享《魔》3立體的觀影問題,其中最關鍵重點,就是迷你戲院天生細銀幕的死症,根本從來都沒法改善,只因香港佔八成以上都屬迷你戲院,試問哪有這麼多巨型銀幕睇 IMAX 3D 電影?


        
  內文如此:『需知道銅鑼灣皇室戲院座位不是梯級型設計,遇上多人入場之時,千萬不要買中間位置,因為總易變成人頭版觀影體驗,前面觀眾只需身高一些,已可輕易阻礙閣下視線;好了,當日周末下午,倒吸引不少觀眾到來一嚐《魔戰王:貝奧多夫》3D 立體版的觀影效果,開場前,看見是全闊銀幕開放,心想效果應該會不錯吧!可惜,到正式放映時,方才知道原來只是以約一半多的銀幕放映,而且中文字幕還是設置於畫面的上方黑位,心感不妙,銀幕如此縮小,3D 立體效果何來迫真呢?

  沒錯,筆者已是坐於較前一點的K行數,戴上立體眼鏡後,畫面仍是十分細小,可以看到銀幕兩側的空位,3D 效果完全大打折扣之餘,由於前面正坐於兩位高人,他們的人頭似乎比銀幕上的來得更貼近更有立體感,天啊!』(摘自 2007 年《睇驗生活》)

  結果,這些年來,其實有好大部份觀眾都是身處迷你戲院內看迷你銀幕的 3D 電影,敢說如果你是坐於較後排的位置,戴上院線立體眼鏡後,眼前所見的 3D 電影畫面比例,應該可能隨時跟閣下家中的 60 吋電視相若,況且好多迷你戲院都並未達到令人滿意的立體畫面效果,如此 3D 霸權好比地產霸權賣縮水樓一樣,害人筆錢!



  更離譜的,當人人都來爭拍 3D 電影搶飯食,就連原本 2D 都夾硬裝假以 3D 後期加工重新上市,好比國內層出不窮的騙人技法,掛上 3D 賣爛片,企圖混水摸魚,最終受害者又是被逼入場睇 3D 版本的苦主,相信不少影迷都曾經不幸中招,白白付多票價之餘,搵笨真相就是戴住副3D眼鏡將 Out-Focus 的畫面 Tune 番正,然後全程其實等同用一副 3D 立體眼鏡睇一套 2D 電影,講真,如此騙案至今仍相當活躍,不時經常有一兩套候駕光臨搏大霧,真的慘不忍睹!

  3D 霸權每年事必殺盡全暑假,回看2011年就有《魔盜王4》、《變形金剛3》、《功夫熊貓2》、《反斗車王2》、《美國隊長》、《藍精靈》....等。
  
  至於 2013 年的暑假,則先後有《超人:鋼鐵英雄》、《壞蛋掌門人2》、《悍戰太平洋》、《怪獸大學》、《綠國奇兵》,《地球末日戰》、《藍精靈2》、《波西傑克森:妖魔之海》、《衰鬼刑警》、《狼人:武士激戰》、《極速Turbo》....等,同屬荷里活A級戲碼,數量比兩年前明顯更多一倍,簡直無 3D 不上,3D 勢必蓋天,試問,當中又有哪一套可以拍出3D好戲質?睇落又真係好似連一套都冇得好揀喎!

此為2013修改版本 /  原文刊於AV Magazine @ 20/5/2011)


後記:
這套新鮮登場的《狼人:武士激戰》簡直係最新的3D一肚戲又一示範作,敢說全片3D效果近乎零不特止,爛劇本,悶情節,差動作,大家又唔知為乜被騙$100多塊,最大問題,此片近乎9成戲院是上3D版本,想睇2D版本的話,戲院只得三數間,還要一日只得最早或最晚的一兩場得你揀,3D霸權無容置疑。

唯一比較有睇頭的,就只有完場後的Bonus片段,當狼人機場忽然跟磁力王及X博士重遇,似為明年《X-Men : Days Of Future Past》作預告。

沒有留言:

張貼留言