始於
2003年,
「睇驗生活」專欄AV Magazine刊出,至2013年6月完結, 沿途分享音樂、電影、電視、廣告、生活、時事…多元感想, 由個人週記化成民生紀錄, 如今首度網上改版重生, 回味十年喜怒哀樂, 繼續延伸未來僅存的共同記憶體

2015年3月31日 星期二

亞里叭叭 : 銷燬地球



   上星期,正如某電視新聞台所言:「又唔係乜嘢大時大節,全球各地都同樣熱烈倒數!」所說是WWF主辦的「地球一小時」集體環保行動,由2007年開始,指定日子時間把非必要的燈關掉,於是新聞報導畫面見到不同地方好似搞嘉年華活動一樣,人山人海般熱烈齊聲倒數,然後興高采烈大叫之後,關燈一小時,每年就是如此循環不息向世界呼籲,就真的可以救地球?

  真心話,這十幾廿年來,無論任何環保組織機構搞幾多所謂「救地球行動」,從來都是治標不治本的自圓其說,你看「地球一小時」又倒數又大堆頭大龍鳳,又明星代言人,又印海報印Tee,又大量贊助單位捐款集資,美其名非牟利,實則跟一般商業宣傳手法無異,一年又一年,三年又三年如此關燈一小時下去,根本就變成另一個沒完沒了的年度同歡日,跟其他甚麼膠袋日、便服日、運動日…同出一轍,到底,現代都市人是否已悶到只剩下「倒數」才尋回期盼的興奮?

  活在資本主義制度下,本已跟環保對著幹,金錢遊戲改不了的基本動作,就是靠不斷盲目過度生產,來賺取永不滿足的財富,循環不息的供過於求,「有貪念才有成就」的洗腦歪理,不眠的地球怎會不生病?嚴格來說,「地球一小時」只算是一粒必理痛,還要一年才服一次,難得大家仍可若無其事年年自High玩倒數玩關燈,面書打卡Like完又如何?一小時的所謂反思過後,始敵不過無窮物慾的萬誘引力,試問最後有多少靜思己過得到真啟示?諷刺是,該新聞報導「地球一小時」最後一鏡才回到香港本土,只見尖沙咀文化中心關了燈外,其他大廈依然強光滿瀉,算吧喇!

  如果將關燈一小時換作停電一小時又如何?關燈後,好多人不是轉用電筒玩照射,就是上網分享又分享,對環保完全搔不及癢是事實,停電就大不同,沒有電源的城市,終於坐享休息片刻,當世界停頓何止不錯,直情是急需出現,撫心自問,閣下常用的不同電腦手機有多久沒關機過?街上大小商舖名店燈飾又有多久沒關掉過?更莫論日日生產的工廠機器有多久未停產過?

  推陳出新是可持續發展的借口,還是人類自取滅亡的真兇?

  好幾年前,某電話網絡Sales登門造訪「洗樓」推銷,開門後該員工立即表示只需簽個名,便可免費得到一部升級版電話,然後就給我看了圖片,原來是他們已推出了一段日子名為「眼睛」的多媒體裝置,Sales非常著急地想我即時簽個名確認,並表示好快可以相約師傅上來進行安裝。

  我答:「呢個我唔需要!根本就唔多會用!」
  他居然不屑地:「咁又係!呢D高科技,你唔慣用!」
  然後我即場踢爆反問:「其實係咪仲要簽約?簽幾多年?」
  他才勉為其難補說:「如果你而家簽合約,係要簽兩年,兩年後就可以免費得到。」

  最後,當然沒有成交!

  首先,他一直誤以為我不知道這個「眼睛」多媒體裝置是甚麼,未免太看低自己公司的宣傳功效,這件「高科技嘢」不是應該好容易Plug & Play自行安裝便成嗎? 那一句「咁又係!呢D高科技嘢,你唔慣用!」又是怎麼樣的推銷態度?最大問題是從來沒說過要簽約兩年才可免費得到,直至顧客反問過來才肯說出真相,存心騙取簽名為自己月尾quota埋數,其它一切貴客自理,心想,以如此低質推銷態度,來向大眾推銷他們所謂的「高科技嘢」,且是舊版本的倉底貨,真的高低立見。

  銷燬地球就是這樣24/7 在進行中,舊嘅唔去,新嘅唔來,死路一條!

(原文刊於am730亞里叭叭專欄@31/3/2015)