記得兩年前早對《電流戰爭》有熱初期待，腦海總將它跟Christopher Nolan《死亡魔法》自動連線，只因同是兩個巨頭對戰之間，又再涉及Nikola Tesla這個傳奇發明家，睇完過後，似乎未如所願，電流微弱，何止未能接通，全程迎難而上，除非你真的很明白直流電與交流電之別，否則，愈睇愈一頭問號。
首先，要用101分鐘去重現十九世紀橫跨近10年一場電流爭霸戰，劇情幾頭不到岸，編導吃力不討好，如速遞式平舖直述，不斷拋出大量學術性的電流語言，人物角色平面處理，如果要拍一套還原史實紀錄片，倒不如交由Netflix紀錄片系列更實際，甚至應該拍得更好睇。
其實，找來Benedict Cumberbatch扮演愛迪生，演技無所用，根本同演Alan Turing沒太大分別，而Michael Shannon演威士汀更加平平無奇，大商家強勢本色完全欠奉，最初滿以為鬥智連場，劇力萬鈞，結果又不是電流都要Take Side，玩埋堆出陰招，甚麼各出奇謀，一切只是美麗的謊言。
同屬雙雄鬥法，《死亡魔法》兩位魔術師才是各出奇謀，如何誓要超越對手為終極目標，成功讓觀眾同步追看下去的引力法則是這樣，《電流戰爭》就拍不出這種捉緊觀眾情緒張力，愈睇愈悶愈無癮，就算見到愛迪生老屈交流電會死人，不惜公開示範殺死牛，只有感「哦！原來愛迪生係咁奸！」一陣，然後，咁又如何呢？
講真，還是最想睇Nikola Tesla傳記，多過愛迪生與威士汀的專利生意瓜葛糾紛，點解Tesla總要做配角陪襯，由《死》David Bowie客串飾演Tesla人見人讚，到今次《電》Nicholas Hoult入型入格的高仿真演出，必定留下更多未知之謎團，好像無線傳輸電能塔Tesla Tower免費能源計劃胎死腹中背後，同跟威士汀有密切關系，最後專利權落入美國政府及財團手上的陰謀論，敢說比《電》更有睇頭及揭秘式娛樂性。
(原文刊於U Magazine@22/8/2019)
沒有留言:
張貼留言