「電視汁撈飯」時代，是指上世紀七、八十年代的本地電視台黃金歲月，所謂「日頭猛做，到而家輕鬆吓！」的集體回憶，當時，打工仔尚可準時放工，沒有網娛的時代，人人回家聚首，一邊吃晚飯，一邊睇電視，天倫樂也融融，那些年，生活簡單直接，聽歌就直接去唱片店買唱片，睇戲就直接去電影院掛隊買票，比3D更實體化的生活模式，你總記得在某間唱片店買哪張碟的興奮情景，又或某間戲院某套好戲爛片，一齊喜怒哀樂的感官實況，留下多少人生親身體驗的難忘回憶。
明日話今天，今天說從前，相比當下，以前本地電視台製作，無論創意幻想，及破格立新的意圖，都來得更大膽沒規限，那個仍用菲林實景拍攝的好時代，勇於嘗試的空間多得是，仍未有太多自我批判的道德枷鎖，思想開放開明，觀眾的接受能力相對提高，起碼仍沒太多「投訴L」。
諷刺是高科技全包圍的此時此地，任你發展到4K高清拍攝畫面又如何？只有硬件在進化，開明思維卻全面往後走，不知何時，回歸後的受眾，同被感染一種道德公審病，人人如患上潔癖症候群，接受能力全線每下愈降，加上一台獨大主打維穩親共，Play
Safe大過天，換來更多愈反智低能，愈持續慣性收視的循環惡習，吃喝玩樂哈哈哈又一集，從此一缺不振。
今日電視仲有乜View？你每日又View幾多TV？
電視難再撈飯是不爭事實，「日夜猛做，冇幾何輕鬆吓！」是與時並進的產物，試問，誰還會天天回家聚首吃晚飯？當網娛就是生活，手機已成電視機替代品，人人隨身睇隨身聽，主流電視頻道亦要轉型網絡化，大台都要力谷大大頻道玩課金，甚麼是課金？等同昔日潮語「科水」更新版本，要睇即時Live直播，就請俾錢支持！人人直播，Anyone
Can Play Live！
以ViuTV的節目製作手法為例，當電台清談節目搬上電視銀幕畫面化，最大問題是，聽同睇是沒分別？ 觀感似網台直播，某節目被訪者仲要戴埋頭盔，講到一頭汗，為乜？不如繼續留守電台一樣睇你唔到，但不用自尋汗流嘛！有趣是，如果你日日追睇ViuTV，你會以為自己用眼聽緊商台903，竟有接近8成節目是由商台DJ輪流主導，全屬受歡迎第二級別，重量級DJ則完全欠奉，倒不如商台直播室同步Live Streaming更花算，製作費肯定慳不少，反正都係坐定定齋Talk！
另外，ViuTV的清談節目，例必找一些養眼美少女做花瓶轉移視線，來化解名人主持吸睛力不足問題，曾幾何時，他們亦將當時Now TV同一班anchor，差不多全天候做哂所有節目及劇集，遊山玩水係佢，劇集演出係佢，飲飲食食係佢，時時刻刻都係佢，乜咁啱嘅？
到底，大家仍注重甚麼是視聽之娛？
只想說，一人一手機時代，「只聽不看的電視節目，只看不聽的電視畫面」是當下的睇電視怪現象，電視節目怎能只聽不看都可以，上述ViuTV 清談節目已成功示範，電視畫面又如何只看不聽？正是何解任何節目都需要配上中文字幕之故，好簡單，大部份設有電視播放的公共場所，除非是睇英超直播，又或該場所水靜河飛，否則，基本上你是聽不到電視屏幕傳出的聲音，只有靠睇字幕了解內容，這種只看不聽的電視畫面，大家又似乎已成習慣。
(原文刊於am730亞里叭叭專欄@15/8/2017)
沒有留言:
張貼留言